為隊友而戰九龍城撲擊港會
九龍城Michael 邵昀俊
港會中場 陳浩嘉
今日另一場港超聯頭場，九龍城坐鎮深水埗運動場對港會。九龍城上仗經歷主力傷出，球員落場必定為隊友而戰；港會開季各項賽事6戰全敗下亦急求反彈，雙方戰意鮮明，勝負難料。（on.cc東網周日下午3時按次收費直播）
陳銘剛盼球員迎難而上
九龍城上場對高力北區，韓援朴玟奎被對手剷斷腳提早收咧，另一主力中堅嚴啟倬（Anson）亦因「甩骹」傷出，今場齊告缺陣，主教練陳銘剛相信其餘球員會挺身而出：「上場慘案發生後，我同球會都好震驚，嗰腳完全係不必要嘅攔截，其餘球員都好難接受，唯有希望佢哋迎難而上，踢好每場波。」今季首遇港會，「剛Sir」表示對手開季成績雖欠佳，但戰術章法頗具心思，絕不可輕敵。南韓中堅姜𠗕賢就指會為受傷的隊友而戰：「上場『玟奎』搞到咁，我哋心情都好沉重，不過一定會努力，將佢份精神轉化成力量。佢係我室友，更加想佢睇到今場波會覺得安慰同驕傲。」
港會上場不敵冠忠南區，開季6戰全敗，主教練谷卓斯承認職球員面對不少壓力，但強調士氣未受影響：「全體職球員早排開咗個會，畀大家表達諗法，Feel到所有人都有壓力，好在隊波鬥心未減，希望今場踢出競爭力。」中場陳浩嘉認為九龍城踢法體力化，但指球隊有能力抗衡：「九龍城明顯比上季強，特別條中場線好硬淨，但我哋未驚過，會用活力彌補差距。」壞消息是中堅莫雷拉要停賽。