傑志高力北區旺角場前列駁火

今日港超尾場大戰，2哥傑志坐鎮旺角大球場鬥排第3的高力北區。北區早前曾於「高級組銀牌」淘汰傑志，加上贏波一方可暫上榜首，勢有惡鬥。（on.cc東網周日晚上6時按次收費直播）

卡迪朗：季初表現帶嚟信心

傑志上場作客1比1打和大埔，主教練卡迪朗稱球隊展現強大爭勝心，對最終未能獲勝感可惜。「藍鳥」目前乃聯賽唯一不敗之帥，首季來港執教的卡迪朗直言收貨：「我哋今季目標係重奪冠軍，季初表現加強咗球員信心。」對於前西班牙國腳伊拿拉文迪至今仍未上陣，卡迪朗回應道：「相信無論球迷定我，都好期待伊拉拿文迪落場，但一定要有耐性，佢嘅狀態愈嚟愈好，好快同大家見面！」

北區上場踢少一人下，連入兩球逼和九龍城，主教練陳志康對戰果感滿意：「憑住大家唔放棄嘅心態，10人應戰都入到兩球，非常難得。」上場領紅的卡路士要停賽，「Cow Sir」指問題不大：「影響當然有，好彩其餘中堅狀態唔錯。」北區雖曾在「高級組銀牌」擊敗傑志，惟「Cow Sir」未敢掉以輕心：「傑志近期狀態好好，進攻上有好多優質球員，好似阿祖安同神田夢實就好難應付，另外肯迪都要留意。」