鏡仔各有各做 姜濤開騷玩佛系 AL個唱添食

組合MIRROR人氣王姜濤首次公布12月舉行4場亞博演唱會，對於有傳他將開8場騷，打破隊友Ian之前7場的紀錄，他卻無意成為隊中個人騷最多場數的成員，揚言看透人生變得佛系。而Anson Lo雖然傳4場演唱會一度滯銷，但現加開一場，又謂覺得對得住自己最重要。

男團MIRROR帶領COLLAR、ERROR、P1X3L及5G昨日於觀塘apm出席記者會，現場逼滿數百粉絲，姜濤、Anson Lo（AL）、Ian及Edan的粉絲鬥大聲為偶像造勢。大會公布5組男、女團舉行演唱會及活動的詳情。其中MIRROR推出新團歌及去年演唱會藍光碟、11月20至22日舉行7周年活動《閃避球挑戰賽》，屆時正副隊長Lokman及Anson Kong（AK）偕隊員分藍、白兩隊對戰。

至於個別隊員方面，AL的12月6至9日亞博演唱會一度傳滯銷，但現宣布加開12月10日一場，他表示個唱門票於3日內售罄，至於會否二度加開就視乎公司安排，但網上仍傳其個唱有免費飛送，他謂：「每次演唱會，公司都會安排一啲Fans Club自購內部飛送畀慈善機構或者冇乜經濟能力嘅Fans。（仲傳贊助商仲有4連位飛賣？）仲有幾多飛就冇人知，亦冇人Confirm到，所以傳言唔係我可以控制到，我對得住自己就OK。」問到Jer的11月30日至12月1日的亞博演唱會門票同樣傳滯銷，他則說：「應該剩番好少飛，希望大家入場支持咁多位嘅表演啦，因為都係大家嘅心血。」

而姜濤的12月亞博演唱會就首度公布日期為12月18至21日共4場，對於有傳開8場，他表示：「其他場數未確定，冇特別一定要開幾多場，幾多場都好，大家睇又好、唔睇又好都係隨緣。（8場就打破Ian嘅紀錄喎？）打破自己極限最緊要。」有指其粉絲在他缺席「叱咤頒獎禮」下，仍入場投票為他爭取連續第6年的「我最喜愛的歌曲大獎」，他覺得粉絲入場投票與否全是個人選擇，自言已屬男團的元祖級，所以一切隨緣，又謂：「都諗通很多事。」

MIRROR為賀成軍7周年將舉行閃避球比賽，Lokman笑言屆時手下不留情，不會避免請隊員食「波餅」，有指AK帶領的隊伍有排球好手Ian助陣添勝算，但Ian卻說腳部有新舊傷，但會盡力而為，而Alton就視Frankie為「最優球員」，揶揄他：「佢人生閱歷多識閃躲，卸膊呀！」

COLLAR成「叱咤組合金獎」大熱

女團COLLAR被傳因MIRROR缺席而成為「叱咤組合金獎」的頂頭大熱，芯駖則說：「我聽講過Twins攞過，之後20年好耐未試過女團攞呢個獎，如果真係有（呢個獎），梗係開心啦，喺香港搞團已經難，仲要係搞女團。」問到Winka其音樂人男友朱芸編可會到澳門睇她參演倒數騷？她表示未知，因為門票難求。而ERROR成員保錡被問到11月24日是緋聞女友菊梓喬生日，他預祝對方生日快樂，還隨即唱生日歌，又說：「傳媒會放番出嚟。（正日有咩搞？）嗰日同肥仔有啲嘢搞喎。」